කල යුතු නොකල යුතු කථාව

අප මිනිසුන් වශයෙන් බොහෝ කථා වල යෙදෙනවා.  බොහෝම කලාතුරකින් තමයි මේ කියන දෑ කරන කථාවන් අපගේ ජීවිතයට වැදගත්ද නැත්ද කියලා සොයලා බලන්නේ.  ඉතින් භික්ෂුවක් වශයෙන් හෝ වේවා භික්ෂූණියක් වශයෙන් හෝ වේවා උපාසකයෙක් වශයෙන් හෝ වේවා උපාසිකාවක් වශයෙන් හෝ වේවා මේ සියලු සසර දුක් කෙලවර කරගැනීමට අංශු මාත්‍රයක හෝ කැමැත්තක් වුවමනාවක් තිබේ නම් ඒ දේ ප්‍රමාද කරන්නා වූ සියලු කරුණු අපට හැකි උපරිමයෙන් සොයා බලා තමන් තුල තිබේ නම් ඒවායෙන් මිදීමට කටයුතු කරගත යුතු වෙනවා.  මෙන්න මෙයම තමයි කල යුතු සාත්තුව වන්නේත්.  අන්න එවිට තමයි නිසි කල නිසි ලෙසින් නිසි පරිදි වූ මල් ඵලයන් ලැබෙන්නේ.  ඒ නිසාවෙන් බොහෝම විමර්ශනශීලිව කල යුතු නොකල යුතු දෑ ඇසුරු කල යුතු ඇසුරු නොකල යුතු දෑ ගැන විමසා බැලිය යුතුම වෙනවා.