දානය නිසි ලෙසින් දෙමු!

ඉතින් මේ කොටස වෙන් වෙන්නේ නිසි ආකාරයෙන් දානයක් දෙන්නේ කොහොමද කියලා පෙන්වා දෙන්නටයි.  ඔබ කුමන ආගමකට දහමකට අයත් වුණත් ඒ සෑම ආගමකම දහමකම පාහේ මතුකරලා පෙන්වා දී තිබෙන්නා වූ දෙයක් තමයි "දීම හෙවත් දානය" බොහෝම යහපත් වූ වැදගත් වූ සත්කටයුත්තක්ය කියලා.  යමක් තවත් කෙනෙකුට දෙන පුද්ගලයාට දෙවියන් පවා බොහෝම කැමැත්තක් දක්වන බව මේ දේව ධර්මයන්ගෙන් යුක්ත ආගම් දහම් වල නිතරම දක්නට ලැබෙනවා.  ඒ නිසාම ඒ ඒ අනුගාමිකයන් වශයෙනුත් ඔබ දීම කෙරෙහි නොයෙක් අයුරින් සිත යොදවලා ඇති.  ඉතින් මේ විස්තර විග්‍රහ වෙන්නා වූ බොහෝම කරුණු ඒ බුද්ධිමත් සැබෑම මිනිසුන් ප්‍රායෝගිකව යොදාගන්නා තරමටම පෙර කිවූ සියලු සත්වයින්ට යහපතක්ම වීම පිණිස හේතු වේවි.